Friday, June 15, 2007

امشى جنب الحيط

امشى جنب الحيط : كلمة تعود عليها معظم الشعب المصرى بل وربما اتفق معهم فيها فانا ممن يمشون جنب الحيط وهكذا تربيت فلا اتعامل فى السياسة الا فى بعض المناقشات البسيطة اللى على جنب "جنب الحيطة برضه" ولكن المشكلة هى ان تقع عليك الحيطة وفى هذه الحالة فلا سبيل لك

ومثال على ذلك هذا الموظف الغلبان اللى ماشى جنب الحيطة طول حياته وعايش على الستر املا فى الجنة ليخلص من تلك التعاسة التى تلاحقه فى حياته, هذا الموظف قالوا له روح امسك لجنة الانتخابات و مطلوب منك تراقب الصندوق بس.

قال ماشى راح فعلا راقب الصندوق بامانة و فجأة دخل عليه بعض الناس قالوا له مشى ايدك "ديه الايد البطالة نجسه" قال طب اعمل ايه قالوا سود كام ورقة كده و املا الصندوق

وهنا المواطن الغلبان لقى نفسه بين امرين ملهمش تالت يائما يوافق وينال عقاب ربنا يوم القيامه ويعيش حياة جميلة فى نفس التعاسة او يرفض ويبقى يوم اسود عليه و على عيلته و على اللى جابوا عيلته

والسؤال هو يعمل ايه دلوقتى ويختار ايه ؟ هو معرفش يمشى فى الشارع ولا جنب الحيط يبقى الحل انه يدور على شارع تانى

طبعا مش لازم اوضح ان القصة ديه خياليه من تفكير و خيال الكاتب

No comments: